• ನೈಸರ್ಗಿಕ ವಿಪತ್ತು ನಿರ್ವಹಣೆಯು ವಿಜ್ಞಾನ ಮತ್ತು ತಂತ್ರಜ್ಞಾನದ ಮಾಹಿತಿಯ ಮೇಲೆ ಹೆಚ್ಚು ಅವಲಂಬಿತವಾಗಿದೆ.
• ಕ.ರಾ.ನೈ.ವಿ.ಉ ಕೋಶದಲ್ಲಿ ಸಮಯೋಚಿತವಾಗಿ ವಿಜ್ಞಾನ ಮತ್ತು ತಂತ್ರಜ್ಞಾನ ಮಾಹಿತಿಯನ್ನು ಉಪಯೋಗಿಸಿ ವಿವಿಧ ಪ್ರತಿಕ್ರಿಯಾತ್ಮಕ ಸಮುದಾಯಗಳಿಗೆ ನೈಸರ್ಗಿಕ ವಿಕೋಪ ನಿರ್ವಹಣೆಯಲ್ಲಿ ವೇದಿಕೆಯಾಗಿ ಕಾರ್ಯ ನಿರ್ವಹಣೆ ಮಾಡುತ್ತಿದೆ.
• ಈ ಕೇಂದ್ರದ ಮುಖ್ಯ ನಿಯಂತ್ರಣ ಘಟಕದಿಂದ ಮಾಹಿತಿ,ವರದಿ,ಸಲಹೆ,ಸೂಚನೆಗಳನ್ನು ಸಂಶೋಧನಾ ಸಂಸ್ಥೆಗಳಿಗೆ ಮತ್ತು ಸರ್ಕಾರಕ್ಕೆ ಒದಗಿಸುತ್ತಿದೆ.
• ಕೃಷಿ ಸಮುದಾಯ,ಕೃಷಿ ಮತ್ತು ತೋಟಗಾರಿಕೆ ಆಧಾರಿತ ವಲಯ,ಮೀನುಗಾರಿಕೆ ವಲಯ,ವಿದ್ಯುತ್,ರಾಜ್ಯ ಮತ್ತು ಜಿಲ್ಲಾ ಮಟ್ಟದ ವಿಪತ್ತು ನಿರ್ವಹಣಾ ಪ್ರಾಧಿಕಾರಗಳಿಗೆ ನೈಸರ್ಗಿಕ ವಿಕೋಪ ಸಂಬಂಧಿತ ಮಾಹಿತಿಯನ್ನು ಒದಗಿಸುತ್ತಿದೆ.

1.ವಿಕೋಪ ನಿರ್ವಹಣೆಯು ಸಂಕೀರ್ಣ ವಿಷಯವಾಗಿದ್ದು,ಮಾಹಿತಿ ಮತ್ತು ವರದಿ ವಿನಿಮಯ ತುಂಬಾ ಮುಖ್ಯವಾಗಿರುತ್ತದೆ.

2.ನೈಸರ್ಗಿಕ ವಿಕೋಪಗಳ ಶಮನ ಮಾಡಲು ಸಂಬಂಧಿಸಿದವರಿಗೆ ಮತ್ತು ಸಮುದಾಯದವರಿಗೆ ನಿಜ ಸಮಯದಲ್ಲಿ ಮಾಹಿತಿ ಲಭ್ಯವಾಗುವುದಿಲ್ಲ ಮಾಹಿತಿಯನ್ನು ಕ್ರೋಢಿಕರಿಸಲು ತುಂಬಾ ಸಮಯ ವ್ಯಯವಾಗುವುದನ್ನು ತಪ್ಪಿಸಿ ಕಡಿಮೆ ಸಮಯದಲ್ಲಿ ಮಾಹಿತಿ ಲಭ್ಯವಾಗುವಂತೆ ವ್ಯವಸ್ಥೆ ಮಾಡಲಾಗಿದೆ.

3.ಭಾರತ ಸರ್ಕಾರದ ವಿಪತ್ತು ನಿರ್ವಹಣಾ ಕಾಯಿದೆ 2005 ರ ಅನ್ವಯ ವಿಪತ್ತುಗಳ ನಿರ್ವಹಣಾ ವಿಧಾನ ಮತ್ತು ಮುನ್ನೆಚ್ಚರಿಕೆಗೆ ಹೆಚ್ಚಿನ ವತ್ತು ನೀಡಲಾಗುತ್ತಿದೆ..

4.ನೈಸರ್ಗಿಕ ವಿಕೋಪಗಳಿಗೆ ಸಂಬಂಧಿಸಿದಂತೆ ಮುನ್ನೆಚ್ಚರಿಕೆ ನೀಡಲು 1 ಡಾಲರ್ ವ್ಯಯಿಸಿದರೆ,ಪರಿಹಾರ ಮತ್ತು ಪುನರ್ವಸತಿ ಕಲ್ಪಿಸಲು ತಗಲುವ 7 ಡಾಲರ್ ನಷ್ಟು ಮೊತ್ತವನ್ನು ಉಳಿಸಬಹುದಾಗಿದೆ.ಮುನ್ನೆಚ್ಚರಿಕೆ ಕ್ರಮಗಳನ್ನು ಪಾಲಿಸಲು ಹವಾಮಾನ,ಭೂ ವೈಜ್ಞಾನಿಕ,ಜಲಶಾಸ್ತ್ರ ವಿಷಯಗಳಿಗೆ ಸಂಬಂಧಿಸಿದ ಮಾಹಿತಿಯನ್ನು ಕ್ರೋಡಿಕರಿಸಿ,ಗಣಕೀಕೃತ ಮಾಡಿ,ವಿಶ್ಲೇಷಿಸಿ,ವರದಿಗಳನ್ನು ಸಿದ್ಧಗೊಳಿಸಿ ಬಳಕೆದಾರರಿಗೆ ಮುನ್ನೆಚ್ಚರಿಕೆ,ಸಲಹೆ ನೀಡಲಾಗುತ್ತಿದೆ.

5.ಇದಕ್ಕೆ ವೇಗವಾದ ಸಹಯೋಗ ಮತ್ತು ಮಧ್ಯಸ್ಥಗಾರರ ನಡುವೆ ನಿಕಟ ಸಹಕಾರ ಅಗತ್ಯವಿರುತ್ತದೆ.

6.ಅನುಷ್ಠಾನಕ್ಕೆ ಅಗತ್ಯವಿರುವ ಮಾಹಿತಿ::

• ಮುನ್ಸೂಚಕಗಳ ಗುರುತಿಸುವಿಕೆ
• ಮಾಹಿತಿ ಕ್ರೋಢಿಕರಿಸುವುದು.
• ಮಾಹಿತಿ ಆಧರಿಸಿ,ಮುನ್ನೆಚ್ಚರಿಕೆ ನೀಡುವುದು.
• ಎಚ್ಚರಿಕೆ ಪ್ರಸರಣ
• ಹಾಗೆಯೇ ಕೃಷಿ ಸಮುದಾಯಕ್ಕೆ ಹವಾಮಾನ ಮುನ್ಸೂಚನೆ ಮತ್ತು ಕೃಷಿ ಸಲಹೆಗಳನ್ನು ನೀಡುವುದು.

• ರಾಜ್ಯದಲ್ಲಿ GPRS ಆಧಾರಿತ ಮತ್ತು ಸೌರಶಕ್ತಿ ಚಾಲಿತ ದೂರಸ್ಥ ಮಳೆ ಮಾಪನಗಳನ್ನು 6254 ಕೇಂದ್ರಗಳಲ್ಲಿ ಸ್ಥಾಪಿಸಲಾಗಿದೆ ಮತ್ತು ನಿರ್ವಹಣೆ ಮಾಡಲಾಗುತ್ತಿದೆ.
• ರಾಜ್ಯದ 920 ಕೇಂದ್ರಗಳಲ್ಲಿ ಸ್ವಯಂಚಾಲಿತ ಹವಾಮಾನ ಕೇಂದ್ರಗಳನ್ನು ಸ್ಥಾಪಿಸಲಾಗಿದೆ ಮತ್ತು ನಿರ್ವಹಣೆ ಮಾಡಲಾಗುತ್ತಿದೆ.
• ರಾಜ್ಯದಲ್ಲಿ VSAT ಆಧಾರಿತ ಮತ್ತು ಸೌರಶಕ್ತಿ ಚಾಲಿತ ಶಾಶ್ವತ ಭೂಕಂಪನ ಮಾಪಕಗಳನ್ನು 14 ಕೇಂದ್ರಗಳಲ್ಲಿ ಸ್ಥಾಪಿಸಲಾಗಿದೆ ಮತ್ತು ನಿರ್ವಹಣೆ ಮಾಡಲಾಗುತ್ತಿದೆ.
• ಪ್ರಾಯೋಗಿಕವಾಗಿ, ಮೆಸೋಸ್ಕಲ್ ಹವಾಮಾನ ಮುನ್ಸೂಚನೆ ಸಂಶೋಧನಾ ಮಾದರಿಯನ್ನುಗ್ರಾಮ ಪಂಚಾಯಿತಿ ಮಟ್ಟದಲ್ಲಿ SAC-ಅಹಮದಾಬಾದ್,ಇಸ್ರೋ ಸಹಯೋಗದೊಂದಿಗೆ ನೀಡಲಾಗುತ್ತಿದೆ.
• ಹವಾಮಾನ ಮಾಹಿತಿ,ವರದಿ ಮತ್ತು ಮುನ್ನೆಚರಿಕೆಗಳನ್ನು ಮೊಬೈಲ್ ಪೋನ್,ಇ-ಮೇಲ್,ವೆಬ್ ಪೊರ್ಟಲ್ ಮುಖಾಂತರ ಜಿಲ್ಲಾಧಿಕಾರಿಗಳಿಗೆ,ಅಪಾರ ಜಿಲ್ಲಾಧಿಕಾರಿಗಳಿಗೆ,ಮುಖ್ಯ ಕಾರ್ಯ ನಿರ್ವಾಹಕ ಅಧಿಕಾರಿಗಳಿಗೆ,ತಹಸಿಲ್ದಾರ್ ಗಳಿಗೆ,ಜಂಟಿ ಕೃಷಿ ನಿರ್ದೇಶಕರಿಗೆ,ಸಹಾಯಕ ಕೃಷಿ ನಿರ್ದೇಶಕರಿಗೆ,ಕೃಷಿ ಅಧಿಕಾರಿಗಳಿಗೆ,ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿಗಳಿಗೆ,ರೈತ ಸಂಪರ್ಕ ಕೇಂದ್ರಗಳಿಗೆ,ಮುದ್ರಣ ಮತ್ತು ದೃಶ್ಯ ಮಾಧ್ಯಮಗಳಿಗೆ ರವಾನಿಸಲಾಗುತ್ತಿದೆ.
• ರೈತರಿಗೆ ಹವಾಮಾನ ಸಲಹೆಗಳನ್ನು ನೀಡಲು 24/7 ಸಹಾಯವಾಣಿ ಕೇಂದ್ರವನ್ನು ತೆರೆಯಲಾಗಿದೆ.

ಈ ಕೆಳಗಿನವುಗಳಿಂದ ನಿಜ ಸಮಯದಲ್ಲಿ ಡೇಟಾ ಸ್ವೀಕರಿಸಲು ಮತ್ತು ವಿಶ್ಲೇಷಿಸಲು,ಬೆಂಗಳೂರಿನಲ್ಲಿ ಕೇಂದ್ರಿಯ ಮುಖ್ಯ ನಿಯಂತ್ರಣ ಕೇಂದ್ರವನ್ನು ಸ್ಥಾಪಿಸಲಾಗಿದೆ.:

• ದೂರಸ್ಥ ಮಳೆ ಮಾಪನ ಕೇಂದ್ರಗಳು.
• ಉಪಗ್ರಹ ಮತ್ತು GPRS ಆಧಾರಿತ ಹವಾಮಾನ ಮಾಪನ ಕೇಂದ್ರಗಳು.
• ಡಾಪ್ಲರ್ ಹವಾಮಾನ ರೇಡಾರ್
• ಚಂಡಮಾರುತ ಉಲ್ಬಣ ಕೇಂದ್ರಗಳು.
• ಭೂಕಂಪದ ಮೇಲ್ವಿಚಾರಣಾ ಕೇಂದ್ರಗಳು.

ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಉಸ್ತುವಾರಿ ಕೇಂದ್ರದ ಮುಖ್ಯ ನಿಯಂತ್ರಣ ಕೇಂದ್ರವನ್ನು 10 ಎಕರೆಗಳಲ್ಲಿ ಮತ್ತು ಬೆಂಗಳೂರಿನ ಯಲಹಂಕ-ಅಟ್ಟೂರ್ ಲೇಔಟ್ ಬಳಿಯ ಮೇಜರ್ ಸಂದೀಪ್ ಉನ್ನಿಕೃಷ್ಣನ್ ರಸ್ತೆಯಲ್ಲಿ ಸ್ಥಾಪಿಸಲಾಗಿದೆ.

ಮುಖ್ಯ ನಿಯಂತ್ರಣ ಕೇಂದ್ರವು ದಿನದ 24 ಗಂಟೆ ವಾರದ 7 ದಿನ ಮತ್ತು ವರ್ಷದ 365 ದಿನಗಳು ಕಾರ್ಯ ನಿರ್ವಹಿಸುತ್ತದೆ..

ವರುಣ ಮಿತ್ರ ಸಹಾಯವಾಣಿಯು ನೈಸರ್ಗಿಕ ವಿಕೋಪಗಳಿಗೆ ಸಂಬಂಧಿಸಿದ ಮಾಹಿತಿ,ಮುನ್ನೆಚ್ಚರಿಕೆ ಮತ್ತು ಸಲಹೆಗಳನ್ನು ಒದಗಿಸುತ್ತಿದೆ.

• ಬರಗಾಲ
• ಪ್ರವಾಹ
• ಚಂಡಮಾರುತ
• ಆಲಿಕಲ್ಲು ಮಳೆ
• ಭಾರಿ ಗಾಳಿ
• ಚಂಡಮಾರುತದ ಉಲ್ಬಣಗಳು
• ಸುನಾಮಿ
• ಭೂಕಂಪ
• ಭೂಕುಸಿತಗಳು

• ಜನ ಸಾಮಾನ್ಯ
• ಕೃಷಿ ಸಮುದಾಯ
• ಕೃಷಿ ಆಧಾರಿತ ವಲಯ
• ಮೀನುಗಾರ
• ಸಾರಿಗೆ ವಲಯ
• ಯಾಂತ್ರಿಕ ಶಕ್ತಿ ಮತ್ತು ವಿದ್ಯುಶಕ್ತಿ
• ನೀರಾವರಿ ಮತ್ತು ಇತರರಿಗೆ..